Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 89 Hüküm no: 72 Orijinal metin no: [9a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud Bey’in Abaza asıllı câriyesini hamile bıraktığı iddiası Abaza tâifesinden olup Mahmud Bey b. İbrahim nâm kimesnenin mülk-i müşterâsı olan Fâtıma nâm câriye tarafından husûs-ı âti’z-zikre şer‘an vekâleti sâbite olan Kaytas Bey b. Abdullah mahfil-i kazâda mezbûr Mahmud Bey mahzarında takrîr-i kelâm edip müvekkilem mezbûre câriyeyi merkūm Mahmud Bey kendiye nikâh etmek için Emilsaho nâm beyden iştirâ edip câriye-i mezbûreye yakīn olmağla hâlâ hâmile olmuşdur, vâki‘ hâl suâl olunmasın taleb ederin dedikde gıbbe’s-suâl ve’l-inkâr mezbûr Mahmud Bey câriye-i mezbûreye yakīn ve dahl etmediğine yemîn müteveccih olup mezbûr Mahmud Bey vech-i meşrûh üzre yemîn billâh ettikden sonra mâ vaka‘a kayd olundu. Fi’t-târihi’l-mezbûr. Şuhûd: Es-Sâbikūn