Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 101 Hüküm no: 87 Orijinal metin no: [11b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Râbia Hatun’un hayır ve hasenât yapılmasını vasiyet ettiği (…) mevlânâ Mahmud Halîfe (…) ve el-Hâc Hüseyin b. Ali ve Ahmed Bey b. Abdullah el-Bevvâbü’s-sultânî nâm kimesneler meclis-i şer‘a hâzırûn olup hâric-i mahmiye-i Galata mahallâtından Muhyiddin Efendi mahallesinde bundan akdem fevt olan Râbia Hâtun bt. Mehmed’in muhallefâtına vâzı‘-ı yed olan mahmiye-i Galata’da vâki‘ beytülmâl-i hâssın emîni fahrü’l-cüyûş Mehmed Çavuş mahzarında, hâmil-i kitâb Behram Bey b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müteveffât-ı merkūme maraz-ı mevtinde cemî‘ sülüs-i mâlını vücûh-i hayrâta vasiyyet edip müdde‘î-i mezkûr Behram Beyi de vasiyyetinin tenfîzine vasiyy-i muhtâr seçdi ve vasiyyeti üzerine musırran vefât etti ve vasiyyetinden dönmedi. Mezbûr Behram Bey de vesâyet-i mezkûreyi kabûl edip hizmet-i lâzımesini edâyı müte‘ahhid oldu. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince cemî‘ muhallefâtından sülüs-i mâlının vasiyy-i muhtâr Behram yediyle sarf edilmesine hükm edildi. Cerâ zâlike ve hurrire fî 2 şehri Şa‘bâni’l-mu‘azzam sene hamse ve elf. Şuhûd: Hüsrev b. Abdullah, Mehmed b. Ali, Ahmed b. Hüseyin, Ali Dede b. Hasan, Rıdvan Ağa b. Abdullah, Hasan b. Hamza ve gayruhüm