Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 102 Hüküm no: 89 Orijinal metin no: [11b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Râbia Hatun’un Rus asıllı câriyesini azat ettiği Mahmud b. Muharrem el-Hatîb ve el-Hâc Hüseyin b. Ali ve Rıdvan Bey b. Abdullah ve bevvâb-ı sultânî Mehmed b. Abdullah nâm kimesneler meclis-i şer‘a hâzırûn olup, hâric-i mahmiye-i Galata mahallâtından Muhyiddin Efendi mahallesinde fevt olan merhûme Râbia Hâtun bt. Mehmed’in vasiyy-i muhtârı olarak muhallefâtına vâzı‘-ı yed olan Behram Bey b. Abdullah nâm hasm-ı câhid mahzarında ve müteveffât-ı merkūmenin Mehmed Bey b. Mustafa nâm zevci mahzarında, orta boylu, açık kaşlı, gök gözlü, beyaz tenli, Rusiyyetü’l-asl hâmiletü hâze’l-kitâb Beşâret bt. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müteveffât-ı mezbûre hâl-i hayâtı ve kemâl-i akl ve sıhhatinde kendisine rıkkını mu‘terife olan müdde‘iye-i mevsûfe-i mezbûreyi hasbeten lillâhi’l-azîm ve taleben li merzâti rabbi’r-rahîm âzâd ve tahrîr etti. Efendilerin âzâdlı köleleri üzerinde sâhib oldukları velâ hakkından gayrı üzerinde kimesnenin bir hakkı kalmadı. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince ıtkına hükm edildi. Cerâ zâlike ve hurrire fî 2 şehri Şa‘bâni’l-mu‘azzam sene hamse ve elf. Şuhûd: Es-Sâbikūn