Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 102 Hüküm no: 90 Orijinal metin no: [11b-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Sefer’in ev satın aldığı Hâric-i mahmiye-i Galata mahallâtından Muhyiddin Efendi mahallesinde bundan akdem fevt olan merhûme Râbia Hâtun bt. Mehmed’in zevci ve vârisi Mehmed b. Mustafa nâm kimesne ve Sâkine ve Fâtıma bintey Mehmed nâm hâtunlar kıbelinden husûs-ı âti’z-zikre vekâleti sâbit olan Hasan Bey b. Abdullah ve müteveffât-ı merkūmenin cemî‘ sülüs-i mâlından vasiyyetlerini tenfîze vasiyy-i muhtâr olan Behram Bey b. Abdullah nâm kimesneler meclis-i şer‘-i şerîf ve mahfil-i dîn-i münîfe hâzırûn olup müteveffât-ı merkūmenin muhallefâtından irs-i şer‘le kendilerine intikāl eden, mahalle-i mezbûrede vâki‘, tahtânî ve fevkānî birer beyti, eşcâr-ı müsmireyi, fırını ve ahırı müştemil bulunan, bir tarafdan Emine bt. Tatar İlyas mülkü, diğer tarafdan Sultan Hâtun mülkü, öteki tarafdan Hacı Reis mülkü ve diğer tarafdan da tarîk-i âm ile mahdûd olan cemî‘ menzili cümle hudûdu ve kâffe-i hukūku ile râyicü’l-vakt on beş bin akçe semen-i mu‘ayyen-i makbûzla hâmiletü hâze’l-kitâb Fâtıma bt. Sefer’e bey‘ ettiklerini ikrâr ve i‘tirâf ettiler. Müşteriye-i mezbûre de kendi mâlıyla ve kendisi için menzil-i mezbûru onlardan iştirâ etti. Vâki‘ ikrâr, müşteriye-i mezkûre tarafından vicâhen ve şifâhen tasdîk edildi. Cerâ zâlike ve hurrire fî evâhiri şehri Zilhicceti’ş-şerîfe sene hamse ve elf. Şuhûdü’l-hâl: Mahmud Halîfe b. Muharrem el-İmâm, Abdülkādir Hoca b. Hacı, Şeyh Mehmed b. Ahmed, el-Hâc Ali b. Hüseyin, Bâli Çelebi b. Abdullah, Ali b. Hüseyin, el-Hâc Mustafa b. Hamza, Ebûbekir b. Osman, Ali b. Hamza, Rıdvan Ağa b. Abdullah, Yusuf b. Murad, Mehmed Reis b. Abdullah, Behram b. Abdullah, İskender b. Abdullah, el-Hâc Abdurrahman b. Abdülhay