Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 114 Hüküm no: 105 Orijinal metin no: [13b-5, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdi b. Ahmed Bey adlı çocuğa nafaka takdir edildiği Hâkim-i muvakki‘-i a‘lâ hâze’l-kitâb, Ahmed Bey nâm babası bundan akdem mahmiye-i Galata tevâbi‘inden Beşiktaş kasabası mahallâtından Azeb İskelesi mahallesinde fevt olan Abdi nâm sagīrin nafakası, kisvesi ve sâir havâic-i zarûriyye için, himâye ve terbiyesi altında bulunduğu Nâzenin bt. Abdullah nâm anasının talebiyle, müteveffâ-yı mezbûr babasından irs-i şer‘le kendisine intikāl eden mallardan alınmak üzre, zeyl-i kitâbda mezkûr târihden i‘tibâren yevmî râyicü’l-vakt dört akçe farz ve takdîr etti. Hâkim-i mûmâ-ileyh vakt-i hâcetde istidâne edip bi’l-âhire rücû‘ etmesine mezbûre Nâzenin’e izin verdi. Cerâ zâlike [ve] hurrire fi’l-yevmi’s-sâmin min şehri Şevvâli’l-mükerrem sene hamse ve elf. Şuhûdü’l-hâl: Es-Sâbikūn