Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 122 Hüküm no: 113 Orijinal metin no: [15a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Ahmed’in Mahmud Reis’te mudârebeden alacağı olduğu Ferid b. Said ve Musa b. Yusuf nâm kimesneler meclis-i şer‘-i şerîfe hâzırân olup, hâric-i mahmiye-i Galata mahallâtından Mustafa Ağa mahallesinde fevt olan Mahmud Reis’in Emine nâm sagīresine kıbel-i şer‘den mansûb vasî olan el-Hâc Ahmed nâm hasm-ı câhid mahzarında, Kasımpaşa kasabası mahallâtından Surûrî mahallesinde sâkin olan hâmil-i hâze’l-kitâb Mehmed b. Ahmed’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müdde‘î-i mezbûrun, müteveffâ-yı merkūmun zimmetinde mudârebe-i şer‘iyye cihetinden lâzımü’l-edâ ve vâcibü’l-kazâ râyicü’l-vakt dört bin akçe hakkı vardır. Müdde‘î-i mezbûra yemîn verilmesinden ve şâhidlerin şehâdetlerinin ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmasından sonra mûcebince hükm edildi. Fi’t-târihi’l-mezbûr. Şuhûdü’l-hâl: Osman b. Bekir, Rûşen b. Sinan, Mustafa b. Ali, (…), Memi b. Abdullah, Nebi Bey b. Abdullah, Yusuf b. Musa, Hüsrev b. Abdullah el-Muhzır, Mustafa Muhzır