Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 129 Hüküm no: 125 Orijinal metin no: [17a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Ahmed’in vasiyeti Fahrü’l-eimme mevlânâ Derviş Halîfe b. Nebi el-İmâm ve İbrahim b. Nureddin nâm kimesneler meclis-i şer‘-i şerîfe hâzırân olup, husûs-ı âti’z-zikri inkâr eden hasm-ı şer‘î-i câhid mahzarında, hâmil-i hâze’l-kitâb Mehmed Çelebi b. Yusuf el-Müteferrika’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki mahmiye-i Galata mahallâtından Okçu Musa mahallesinde bundan akdem fevt olan Fâtıma bt. Ahmed nâm hâtun, cemî‘ sülüs-i mâlınının eyyâm-ı mu‘tâdede vücûh-i hayrâta sarfını vasiyyet etti ve müdde‘î-i mezbûru vasiyyetinin tenfîzine vasî seçdi. O da vesâyet-i mezbûreyi kabûl edip hizmet-i lâzımesini edâyı müte‘ahhid oldu. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince hükm edildi. Cerâ zâlike ve hurrire fi’l-yevmi’s-sâlis ve’l-ışrîn min şehri Ramazâni’l-mübârek sene 1005. Şuhûd: Ahmed b. Yusuf, Receb b. İbrahim, Hüseyin b. Abdullah, Mustafa b. İvaz ve Ahmed b. Hüseyin ve gayruhüm