Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 133 Hüküm no: 132 Orijinal metin no: [17b-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Bey’in Gürcü asıllı kölesini azat ettiği Mustafa b. Abdullah ve Mehmed Çelebi b. Hüseyin nâm kimesneler meclis-i şer‘-i şerîfe hâzırân olup, mahmiye-i Galata tevâbi‘inden Beşiktaş kasabası mahallâtından Azeb İskelesi mahallesinde bundan akdem fevt olan Ahmed Bey b. Abdullah el-Cündî nâm kimesnenin husûs-ı âti’z-zikri inkâr eden zevcesi ve vârisi olan Kamer Hâtun bt. Mahmud nâm hasm-ı câhid mahzarında, orta boylu, açık kaşlı, gök gözlü, kulaklarında küpe deliği bulunan Gürciyyü’l-asl hâmil-i hâze’l-kitâb Keyvan b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müteveffâ-yı mezbûr efendisi hâl-i hayâtı ve kemâl-i akl ve sıhhatinde müdde‘î-i mezbûru mutlak tedbîr ile tedbîr eyledi. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince müteveffâ-yı mezbûrun cemî‘ mâlından hürriyetine hükm edildi. Cerâ zâlike hurrire fi’l-yevmi’s-sâmin min şehri Şevvâli’l-mükerrem sene hamse ve elf. Şuhûd: Es-Sâbikūn