Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 134 Hüküm no: 135 Orijinal metin no: [18a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Davud Çelebi’nin Hasan Kethüdâ Vakfı’ndan ödünç aldığı Hüseyin b. Ali el-Attâr ve Rüstem Bey b. Abdullah er-Râcil nâm kimesneler meclis-i şer‘-i şerîfe hâzırân olup, medîne-i Ebî Eyyûb-i Ensârî -aleyhi rahmetü’l-Bârî- mahallâtından Baba Haydar mahallesinde bundan akdem fevt olan Davud Çelebi b. ( )’nın ana baba bir kız karındaşı ve vârisi olan Kamer Hâtun bt. ( ) nâm hâtun kıbelinden vekîl-i şer‘î olan Mehmed Çelebi b. Seydi Ali nâm hasm-ı câhid mahzarında, merhûm Hasan Kethüdâ vakfı’na mütevellî olan hâmil-i hâze’l-kitâb Mehmed Çelebi b. Yusuf’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki merhûm Davud Çelebi’nin zimmetinde vakf-ı mezbûrun deyn-i şer‘î cihetinden râyicü’l-vakt dört bin akçe hakkı vardır. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince meblağ-ı mezbûrun müteveffâ-yı mezbûrun muhallefâtından edâsına hükm edildi. Cerâ zâlike hurrire fi’l-yevm ve’l-ışrîn min şehri Şevvâli’l-mükerrem sene hamse ve elf. Şuhûd: Es-Sâbikūn