Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 135 Hüküm no: 136 Orijinal metin no: [18a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Davud Çelebi’nin vasiyeti Derviş b. Bayram el-İmâm ve el-Hâc Ferruh b. Abdullah el-Müezzin nâm kimesneler, meclis-i şer‘-i şerîfe hâzırân olup medîne-i Ebî Eyyûb-i Ensârî -aleyhi rahmetü’l-Bârî- mahallâtından Baba Haydar mahallesinde bundan akdem fevt olan Davud Çelebi b. ( )’nın ana baba bir kız karındaşı ve vârisi olan Kamer Hâtun bt. ( ) nâm hâtun kıbelinden vekîl-i şer‘î olan Mehmed Çelebi b. Seydi Ali nâm hasm-ı câhid mahzarında ve müteveffâ-yı mezbûrun vasiyyetlerini tenfîze vasiyy-i muhtâr olan Mehmed Çelebi b. Yusuf mahzarında, hâmiletü hâze’l-kitâb Mihriban bt. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müteveffâ-yı mezbûr hâl-i hayâtı ve kemâl-i akl ve sıhhatinde sülüs-i cemî‘ mâlını vasiyyet etti ve meblağ-ı mezbûrdan râyicü’l-vakt üç bin akçeyi müdde‘iye-i mezbûreye ta‘yîn etti. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince hükm edildi. Cerâ zâlike hurrire fi’l-yevm ve’l-ışrîn min şehri Şevvâl sene hamse ve elf. Şuhûd: Es-Sâbikūn