Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 135 Hüküm no: 137 Orijinal metin no: [18a-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Davud Çelebi’nin vasiyeti Derviş b. Bayram el-İmâm ve el-Hâc Ferruh b. Abdullah el-Müezzin nâm kimesneler, meclis-i şer‘-i şerîfe hâzırân olup medîne-i Ebî Eyyûb-i Ensârî -aleyhi rahmetü’l-Bârî- mahallâtından Baba Haydar mahallesinde bundan akdem fevt olan Davud Çelebi b. ( )’nın ana baba bir kız karındaşı ve vârisi olan Kamer Hâtun bt. ( ) nâm hâtun kıbelinden vekîl-i şer‘î olan Mehmed Çelebi b. Seydi Ali nâm hasm-ı câhid mahzarında, hâmil-i hâze’l-kitâb Mehmed Çelebi b. Yusuf’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müteveffâ-yı mezbûr hâl-i hayâtı ve kemâl-i akl ve sıhhatinde müdde‘î-i mezbûr Mehmed Çelebi’yi sülüs-i mâlından yaptığı vasiyyetlerinin tenfîzine vasiyy-i muhtâr nasb ettikten sonra meblağ-ı mezbûrdan râyicü’l-vakt on iki bin akçeyi Allahü te‘âlâ’nın her müslim ve müslimeye farz ettiği hacc-ı şerîf için ta‘yîn etti ve cemî‘ meblağ-ı mezbûrun diyânet ve istikāmet üzre sarf edilmesini şart etti. Sikāt ve udûlden olmaları cihetiyle şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince hükm edildi. Cerâ zâlike hurrire fi’l-yevm ve’l-ışrîn min şehri Şevvâli’l-mükerrem sene hamse ve elf. Şuhûd: Es-Sâbikūn