Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 177 Hüküm no: 191 Orijinal metin no: [27b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Zâhide Hatun’un Gürcü asıllı câriyesini sözleşmeli olarak azat ettiği Abdülkādir b. Hacı el-Müezzin ve Mahmud Çelebi b. İslâm el-Müezzin nâm kimesneler, meclis-i şer‘-i şerîfe -el-masûn ani’t-tağyîr ve’t-tahrîf- hâzırân olup Zâhide Hâtun bt. Ahmed nâm anası bundan akdem fevt olan Mustafa b. Mehmed nâm mecnûna vesâyeti bimâ hüve nehcü’s-sübût sâbit olan vasiyy-i muhtâr Keyvan Bey b. Abdullah nâm hasm-ı câhid mahzarında açık kaşlı, orta boylu, Gürciyyetü’l-asl hâmiletü hâze’l-kitâb Mehlika bt. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müdde‘iye-i mezbûre müteveffât-ı merkūmenin taht-ı mülkünde idi. Müteveffât-ı mezbûre hâl-i hayâtında beş sene devâmlı hizmet etmesi mukābilinde onu kitâbete kesmişdi. elân câriye-i mezbûre hizmet-i merkūmesini tâm ve kâmilen tamâmladı. Câriye-i mezkûre bu sûretle sâir harâir-i asliyyât-ı mükellefât gibi hürre oldu. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince hürriyetine hükm edildi. Cerâ zâlike ve hurrire fî gurreti Rebî‘ilevvel sene sitte ve elf. Şuhûd: Mevlânâ Mehmed Efendi b. Murad el-Kadı, Hasan Efendi b. Murad el-Kadı, Hüsrev Bey b. Abdullah, Hüsrev Bey b. Abdullah, Murad [b.] Abdullah, Abdülkādir Hacı ve gayruhüm