Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 184 Hüküm no: 201 Orijinal metin no: [29a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şaban Reis’in ölen Mahmud’da mudârebeden alacağı olduğu Udûlden Ahmed b. Mahmud ve Mahmud Reis b. Mehmed nâm kimesneler meclis-i şer‘-i şerîf ve mahfil-i dîn-i münîfe -el-masûn ani’t-tağyîr ve’t-tahrîf- hâzırân olup bundan akdem hâric-i mahmiye-i Galata mahallâtından Mustafa Ağa mahallesinde fevt olan Mahmud nâm müteveffânın Emine nâm sagīre kızına kıbel-i şer‘den mansûb vasî olan yine mahalle-i mezbûrede sâkin bulunan Ahmed b. Şaban nâm hasm-ı câhid mahzarında, hâmil-i hâze’l-kitâb Şaban Reis b. Bayezid’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müdde‘î-i mezbûrun müteveffâ-yı merkūmun zimmetinde mudârebe tarîkinden râyicü’l-vakt bin akçe hakkı vardır. Öldüğünde muhallefâtından edâsı lâzım gelen bir deyndir. Müdde‘î-i mezbûra meblağ-ı merkūmu küllen veya ba‘zan medyûn-ı mezbûrdan hayâtında veya vefâtından sonra muhallefâtından almadığına, zimmetini bi vechin mine’l-vücûh ibrâ ve iskāt etmediğine dâir yemîn verildikden sonra şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince hükm edildi. Cerâ zâlike ve hurrire fî târihi’l-mezbûr sene ( ). Şuhûd: Bayram Sofu b. Mustafa, Mahmud b. Ahmed, Şaban b. Fazlullah, Rıdvan b. Sinan, el-Hâc Süleyman