Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 197 Hüküm no: 219 Orijinal metin no: [33a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kamer Hatun’un vasiyeti Murad Reis b. Abdullah ve mahmiye-i Galata’da vâki‘ Alacamescid deyû ma‘rûf mescidin imâmı mevlânâ Şaban b. Mehmed nâm kimesneler meclis-i şer‘-i şerîf ve mahfil-i dîn-i münîfe hâzırân olup, bundan akdem fevt olan Kamer bt. Abdullah’ın zevci ve vârisi olan Mustafa b. Ahmed nâm hasm-ı câhid mahzarında, hâmil-i kitâb Mahmud b. Ali’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki mezbûre Kamer Hâtun hâl-i hayâtında, vefâtından sonra cemî‘ muhallefâtından bin beş yüz akçesinin ve libâsından atlas ve Mısır alacası kabasınının bey‘ edilip semeninin rûhu için vücûh-i hayrâta, techîz ve tekfînine ve sâir mesârif-i mu‘tâdeye sarf edilmesini vasiyyet etti ve müdde‘î-i mezbûru da vasiyyetlerinin tenfîzine ve Ümmühâni nâm sagīre kızının umûrunu tesviyesine vasiyy-i muhtâr seçdi. O da vesâyet-i merkūmeyi kabûl edip hizmet-i lâzımesini edâyı müte‘ahhid oldu. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince hükm edildi. Cerâ zâlike ve hurrire fî evâhiri Rebî‘ilevvel sene sitte ve elf. Şuhûd: Hüsrev b. Abdullah, Musa b. Mustafa, Hasan b. Rıdvan, Musli Muhzır-ı askerî, Mehmed el-Muhzır ve gayruhüm