Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 209 Hüküm no: 232 Orijinal metin no: [36a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fahri Hatun’un muhallefâtı Kasımpaşa kasabası mahallâtından Surûrî mahallesinde vefât edip geride Âişe nâm kızını, Zeyni ve Aynî nâm baba bir kız karındaşlarını ve Mustafa nâm baba bir erkek karındaşını bırakan merhûme Fahri Hâtun’un muhallefâtıdır. el-Vâki‘ fî evâili Cumâdelûlâ sene sitte ve elf. Asl-ı mâl 25.300 Bahâ-i esbâb 5.200 Bahâ-i hâne der mahalle-i m[ezbûre] 10.000 el-İhrâcât 9.810 Dellâliyye ve hammâliyye defteri 617 Deyn li Âişe 900 Resm-i kısmet ve defter 530 Sülüs-i mâl ber mûceb-i vasiyye 7.763 El-Bâkī 15.390 Hisse-i bint Âişe 7.695 Mezbûre Âişe esbâb bahâsından olan iki bin altı yüz doksan beş akçesini bi’t-tamâm alıp beş bin akçesi evde kaldı. Hisse-i ah li eb Mustafa 3.846 Mezbûr Mustafa hisse-i mezbûresinden bin yüz yirmi akçesini esbâb aldığından gayrı mezbûre Zeyni Hâtun’un ev kıymetinden bâkī kalan altı yüz yirmi üç akçesi kendi malından verip Zeyni bi’t-tamâm hissesini aldı eyle olsa mezbûr Mustafa’nın hâlen evde iki bin dokuz yüz doksan altı akçe hakkı vardır. Hisse-i uht li eb Zeyni 1.923 Mezbûre Zeyni bi’t-tamâm hissesini Seyyid’den aldığından gayrı altmış akçe ziyâde kabzı vardır. Hisse-i uht-i uhrâ li eb Aynî 1.923 Mezbûre Aynî Hâtun esbâb bahâsından bir akçe ve bir habbe kabz etmemeğin cümlesi evde kalmışdır. Mezbûre Fahri Hâtun’un sülüs vasiyyeti olmağın ba‘de küllî hesâb yedi bin yedi yüz altmış üç akçe sülüs-i mâl zâhir [olmağın] Ebûbekir nâm kimesne vasiyy-i muhtârıyın deyû fuzûlen sülüs-i mezbûrdan techîz ve tekfîn ve sâir mesârif-i mühimmesine üç bin dokuz yüz akçe sarf eylediğine mu‘terif oldukdan sonra sülüs-i sülüsânı olan iki bin beş yüz seksen akçesi kānûn üzre fukarâya sarf kazasker fukarâsı için kabz oldukdan sonra bâkī kalan bin iki yüz seksen iki akçesi müteveffât-ı mezbûrenin kırkına ve yılına ve sâir mesârif-i mühimmesine sarf için kıbel-i şer‘den vasî nasb olunan Kadızâde Mehmed Bey’e teslîm olundu.