Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 216 Hüküm no: 242 Orijinal metin no: [38a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İshak Ağa’nın Frenk asıllı kölesini azat ettiği Hâric-i mahrûse-i Galata mahallâtından Tophâne mahallesi sükkânından fahrü’l-emâsil ve’l-eşbâh İshak Ağa b. Abdullah kıbelinden husûs-ı âti’l-beyâna vekâleti Ali b. Mehmed er-Râcil ve Ahmed b. Ali er-Reisü’s-sultânî nâm kimesnelerin şehâdetleri ile nehc-i şer‘î üzre sâbit olan yine mahalle-i mezbûrede sâkin olan Sefer b. Abdullah meclis-i şer‘a hâzır olup, müvekkil-i mezbûrunun, orta boylu, açık kaşlı, elâ gözlü, buğday tenli, kekeme ve sol yanağında eser-i cerh olan Efrenciyyü’l-asl Partolomi nâm abd-i memlûkünü zeyl-i kitâbda mezkûr târihden i‘tibâren yedi sene hizmet etmesi mukābilinde kitâbete kesdiğini ikrâr etti. Vakt-i mezbûr geçti ve abd-i mezkûr hizmet-i mezbûreyi edâ etti. Abd-i mezbûr bu sûretle sâir ahrâr-ı asliyyîn-i mükellefîn gibi hür oldu. Vâki‘ ikrâr, abd-i merkūm tarafından vicâhen ve şifâhen tasdîk olundu. Cerâ zâlike ve hurrire fi’l-yevmi’s-sâmin min şehri Cumâdelâhire sene sitte ve elf. Şuhûd: Bekir [b.] Sinan er-Reis, Hasan [b.] Abdullah, el-Hâc Mehmed, el-Hâc Ali [b.] Mustafa, Ahmed er-Reis, Hüseyin Çavuş