Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 218 Hüküm no: 247 Orijinal metin no: [38b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed ve İsmihan adlı çocuklara vasî ve nâzır atandığı Hâkim, hâmil-i kitâb Bekir Çelebi b. Abdullah’ı, mahmiye-i Galata mahallâtından Okçu Musa mahallesinde sâkin iken bundan akdem Megri kasabasında fevt olan merhûm Mustafa Reis’in Mehmed ve İsmihan nâm sagīreynine müteveffâ-yı mezbûr babalarından irs-i şer‘le intikāl eden emvâlin zabtı ve hıfz-ı ahvâli için evân-ı rüşd ve zamân-ı bülûğlarına kadar ihtiyâclarına binâen vasî nasb etti. Hâkim-i mûmâ-ileyh el-Hâc Yusuf Abdullah’ı da tasarruflarına nezâret etmesi ve vakt-i hesâbda muhâsebe eylemesi için vasiyy-i mezbûr üzerine nâzır-ı hasbî nasb etti. Her ikisi de vesâyet ve nezâret-i mezkûreyi kabûl edip hizmet-i lâzımelerini müte‘ahhid oldular. Cerâ zâlike ve hurrire fî evâsıtı Cumâdelâhire sene sitte ve elf. Şuhûd: Mehmed Reis b. Receb, Mehmed [b.] Mansur, Mehmed [b.] Ali, Rıdvan [b.] Hoca Abdullah ve gayruhüm