Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 218 Hüküm no: 248 Orijinal metin no: [38b-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Reis’in Bekir b. Sinan’a ödünçten borcu olduğu Reis-i sultânî Memi b. Şucâ‘ ve Mehmed b. Ali nâm kimesneler meclis-i şer‘-i şerîfe hâzır olup, Galata mahallâtından Okçu Musa mahallesinde sâkin iken bundan akdem Megri kasabasında fevt olan merhûm Mustafa Reis’in Mehmed ve İsmihan nâm sagīreynine kıbel-i şer‘den mansûb vasî olan Bekir Çelebi b. Abdullah mahzarında, bâ‘is-i tahrîr Bekir b. Sinan’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müdde‘î-i mezbûrun, müteveffâ-yı merkūmun zimmetinde karz-ı şer‘î cihetinden râyicü’l-vakt on altın hakkı vardır. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın, müdde‘î-i mezbûra meblağ-ı mezkûru sağlığında müteveffâdan, vefâtından sonra muhallefâtından kısmen veya tamâmen almadığına dâir yemîn verildikden sonra şehâdetleri mûcebince meblağ-ı mezkûrun muhallefât-ı merhûmdan teslîmine hükm edildi. Fi’t-târihi’l-mezbûr. Şuhûd: Es-Sâbikūn