Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 219 Hüküm no: 250 Orijinal metin no: [39a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kadı Veli Efendi’nin Bayram’da ödünçten alacağı olduğu El-Hâc Ahmed b. Mahmud ve Mahmud b. Abdullah nâm kimesneler meclis-i şer‘-i şerîfe hâzırân olup hâric-i mahmiye-i Galata mahallâtından İskender Paşa mahallesinde bundan akdem fevt olan Bayram’ın Âişe nâm sagīre kızına kıbel-i şer‘den mansûb vasî olan Mustafa b. Ali nâm hasm-ı câhid mahzarında, bâ‘is-i tahrîr-i hâze’l-kitâb kadı Veli Efendi’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müteveffâ-yı mezbûr hâl-i hayâtı ve kemâl-i akl ve sıhhatinde müdde‘î-i mezbûrun lehine, üzerinde ve zimmetinde karz-ı şer‘î cihetinden râyicü’l-vakt bin beş yüz akçe lâzımü’l-edâ ve vâcibü’l-kazâ deyni olduğunu vasiyyet etti. Müdde‘î-i merkūma hayâtında kendisinden, vefâtından sonra muhallefâtından meblağ-ı mezbûru kısmen veya tamâmen almadığına, hibe etmediğine, bi vechin mine’l-vücûh ve sebebin mine’l-esbâb zimmetini ibrâ etmediğine dâir yemîn verildikden sonra şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince hükm edildi. Cerâ zâlike ve hurrire fi’l-yevmi’l-hâmis aşer mine’l-mezbûr. Şuhûd: Mehmed b. Mahmud, Ramazan b. Ali, Muslihiddin, Mustafa b. Ali el-Muhzır ve gayruhüm