Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 220 Hüküm no: 251 Orijinal metin no: [39a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kadı Veli Efendi’nin Bayram’ın kardeşi ve vârisi olduğu Kadı Sâlih Efendi b. Bayram ve el-Hâc Ahmed b. Mahmud nâm kimesneler meclis-i şer‘-i şerîfe hâzırân olup, hâric-i mahmiye-i Galata mahallâtından İskender Paşa mahallesinde bundan akdem fevt olan merhûm Bayram’ın Âişe nâm sagīre kızına vasiyy-i muhtâr olan Mahmud b. Abdullah nâm hasm-ı câhid mahzarında, hâmil-i kitâb kadı Veli Efendi b. İlyas’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müdde‘î-i mezbûr, müteveffâ-yı merkūmun ana baba bir karındaşı ve vârisidir. Zira müdde‘î-i mesfûr ve müteveffâ-yı mezbûr vilâyet-i Anadolu’da vâki‘ Serkiz kazâsı tevâbi‘inden Eriklice karyesinde fevt olan İlyas’ın oğullarıdır. Verâseti ona, sagīre-i mezbûreye ve müteveffânın zevcesine münhasırdır. Onlardan başka vâris ve terekeye müstahık kimesne ma‘lûmumuz değildir. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince hükm edildi. Cerâ zâlike ve hurrire fi’t-târihi’l-mezbûr. Şuhûd: Es-Sâbikūn