Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 220 Hüküm no: 252 Orijinal metin no: [39a-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Hasan’ın evini bey‘ bi’l-vefâ yoluyla karısına sattığı Mahrûse-i Galata mahallâtından Bereketzâde mahallesinde sâkin olan Mehmed b. Hasan meclis-i şer‘-i şerîfe hâzır olup sâhibi ve mâliki olduğu, elinde ve taht-ı tasarrufunda bulundurduğu, mahalle-i mezbûrede kâin, üç beyt-i ulvîyi, iki beyt-i süflîyi, helâyı, asmayı? ve muhavvatayı hâvî, bir tarafdan mumcu Ahmed mülkü, diğer tarafdan Derviş Efendi mülkü, öteki tarafdan kale duvarı ve tarîk-i âm ile mahdûd olan cemî‘-i menzilini cümle tevâbi‘ ve levâhıkı ve âmme-i menâfi‘ ve merâfıkı ile bâ‘ise-i tahrîr Ümmi bt. Mehmed nâm zevcesine râyicü’l-vakt otuz bin akçe semen-i mu‘ayyen-i makbûzla bey‘ bi’l-vefâ tarîki ile ve îcâb ve kabûlü hâvî bey‘-i bâtt-ı sahîh ile bey‘ ettiğini ikrâr etti. Vâki‘ ikrâr, müşteriye-i mezbûre kıbelinden husûs-ı mezbûra vekâleti Mehmed b. Abdullah ve Ahmed b. el-Hâc Ali nâm kimesnelerin şehâdetleri ile nehc-i şer‘î üzre sâbit olan Mehmed b. Mehmed tarafından vicâhen ve şifâhen tasdîk edildi. Fi’t-târihi’l-mezbûr. Şuhûd: Es-Sâbikūn