Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 221 Hüküm no: 254 Orijinal metin no: [39b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bayram’ın câriyesini kızı Âişe’ye bağışladığı El-Hâc Ahmed b. Mahmud ve Mahmud b. İlyas nâm kimesneler meclis-i şer‘-i şerîfe hâzırân olup, hâric-i mahrûse-i Galata mahallâtından İskender Paşa mahallesinde bundan akdem fevt olan merhûm Bayram b. ( )’in zevcesi ve vârisi Sâkine Hâtun mahzarında, müteveffâ-yı mezbûrun Âişe nâm sagīre kızına vasiyy-i muhtâr olan bâ‘is-i tahrîr Mahmud b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müteveffâ-yı mezbûr hâl-i hayâtında sagīre-i mezkûre kızına Ruhısâni bt. Abdullah nâm câriye-i memlûkesini hibe ve teslîm etti. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince hükm edildi. Cerâ zâlike ve hurrire fi’t-târihi’l-mezbûr. Şuhûd: Mâ sebeka fî isbâti vesâyeti’l-vasiyyi’l-mezbûr