Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 224 Hüküm no: 259 Orijinal metin no: [40a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Meryem bt. Hasan’ın mehir alacağı olduğu Mevlânâ Alâaddin b. Âdil el-Hatîb ve Derviş Mehmed b. Ali nâm kimesneler meclis-i şer‘-i şerîfe hâzırân olup müteveffâ Mustafa Reis’in Mehmed ve İsmihan nâm sagīreynine kıbel-i şer‘den mansûb vasî olan Bekir b. Abdi nâm hasm-ı câhid mahzarında, müteveffâ-yı mezbûrun zevcesi hâmiletü hâze’l-kitâb Meryem bt. Hasan’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müdde‘iye-i mezbûrenin nikâhında ma‘kūdun-aleyh olan mehr-i müecceli cihetinden müteveffâ-yı mezkûrun zimmetinde râyicü’l-vakt beş bin akçe hakkı vardır. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın ba‘de’t-tahlîfi’ş-şer‘î mûcebince hükm edildi. Cerâ zâlike ve hurrire fî evâhiri Cumâdelâhire sene sitte ve elf. Şuhûd: Hasan b. Hüseyin, el-Hâc Yusuf b. Abdullah, Mehmed b. Ali, Abdülkādir Hoca ve gayruhüm