Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 224 Hüküm no: 260 Orijinal metin no: [40a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. El-Hâc Himmet’in borcunu ödediği Oldur ki Mahmiye-i Galata hâricinde vâki‘ İskender Paşa mahallesi sâkinlerinden olup bundan akdem vefât eden merhûm Bayram b. Abdullah nâm müteveffânın sulbiye kızı Âişe bt. ( ) nâm sagīrenin kıbel-i şer‘den vasî nasb olunan Mahmud Beşe b. Abdullah nâm kimesne mahfil-i kazâda işbu bâ‘isü’l-kitâb el-Hâc Himmet b. Veli nâm kimesne muvâcehesinde takrîr-i merâm edip sagīre-i mezbûrenin akçesinden bin akçe hakkı olup vesâyetim hasebiyle bi’t-tamâm alıp kabz edip bir akçe hakkı bâkī kalmadı dedikde mukırr-ı merkūmun vech-i meşrûh üzre olan kelimâtını mezbûr el-Hâc Himmet vicâhen tasdîk ettikden sonra mâ vaka‘a kayd-ı sicil olundu. Şuhûd: Şükür b. Urgurlu, Mustafa b. Ali el-Muhzır, Mehmed b. Yusuf, Handan b. Abdullah ve gayruhüm