Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 225 Hüküm no: 261 Orijinal metin no: [40b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Meryem bt. Hasan’ın kocasında mehir alacağı olduğu Hasan b. Memi, Kamer bt. Abdullah ve Râziye bt. Abdullah nâm kimesneler meclis-i şer‘-i şerîfe hâzırûn olup, mahrûse-i Galata mahallâtından Okçu Musa mahallesinde sâkin iken bundan akdem Megri kasabasında vefât eden merhûm Mustafa Reis’in Mehmed ve İsmihan nâm sagīreynine kıbel-i şer‘den mansûb vasî olan Bekir Çelebi b. Abdi nâm hasm-ı câhid mahzarında, hâmile-i hâze’l-kitâb Meryem bt. Hasan’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müdde‘iye-i mezbûrenin müteveffâ-yı merkūm zevci zimmetinde, nikâhında ma‘kūdun-aleyh olan mehr-i müecceli cihetinden râyicü’l-vakt beş bin akçe, karz cihetinden iki yüz akçe lâzımü’l-edâ ve vâcibü’l-kazâ hakkı vardır. Müteveffâ-yı mezbûr bizim yanımızda ve katımızda böyle ikrâr ve i‘tirâf etti. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın ba‘de’t-tahlîfi’ş-şer‘î mûcebince hükm edildi. Cerâ zâlike fi’t-târihi’l-mezbûr. Şuhûdü’l-hâl: Derviş Mehmed b. Ali, Hüsrev b. Abdullah, Mustafa b. Ali, Hasan b. Rıdvan ve gayruhüm