Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 226 Hüküm no: 264 Orijinal metin no: [40b-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şehzâde Hatun’un Rus asıllı câriyesini azat ettiği Hâric-i mahrûse-i Galata mahallâtından Yazıcı Mescidi mahallesinde sâkine olan Şehzâde Hâtun bt. el-Hâc Ahmed kıbelinden âti’z-zikr âzâd ikrârına vekâleti Hasan [b.] Abdullah [ve] Veli b. Mehmed’in şehâdetleri ile sâbit olan mahalle-i mezbûre imâmı Ali b. Mehmed meclis-i şer‘-i şerîf-i şâmih-i imâd ve mahfil-i dîn-i münîf[-i râsih-i evtâd]a hâzır olup müvekkile-i mezbûresinin, orta boylu, açık kaşlı, gök elâ gözlü, sağ elinde eser-i cerh bulunan Rusiyyetü’l-asl hâmiletü hâze’l-kitâb Zamâne Dâye bt. Abdullah nâm câriye-i memlûkesini hasbeten lillâhi’l-azîm âzâd ve tahrîr ettiğini ikrâr eyledi. Câriye-i mezbûre bu sûretle sâir harâir-i asliyyât-ı mükellefât gibi hürre oldu. Vâki‘ ikrâr, câriye-i merkūme tarafından tasdîk edildi. Fî evâili Recebi’l-mürecceb sene sitte ve elf. Şuhûd: Yunus Bey b. Abdullah el-Cündî, el-Hâc Cafer b. Yusuf, Ali Bey er-Râcil, Receb b. Mahmud, Nasuh el-Bevvâb, Mehmed [b.] Abdurrahman, Mehmed b. Hasan, Burak b. Yusuf, Mustafa b. Ali el-Muhzır ve gayruhüm