Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 228 Hüküm no: 268 Orijinal metin no: [41a-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Ağa’nın Mustafa b. Halil’de alacağı olduğu Mehmed b. Ahmed, Mehmed b. Hasan, Mehmed b. Abdullah ve Memi b. Hüseyin nâm kimesneler meclis-i şer‘a hâzırûn olup Kasımpaşa kasabası mahallâtından Kulaksız mahallesinde bundan akdem fevt olan Köprücü tâifesinden merhûm Mustafa b. Halil’in muhallefâtına vâzı‘-ı yed olan, Havâss-ı mahrûse-i Kostantıniyye ve Galata’da vâki‘ beytülmâl emîni fahrü’l-akrân Mehmed Çavuş b. Abdülmennân mahzarında ve müteveffâ-yı mezbûrun zevcesi ve vârisi Nisâ Hâtun bt. Dede kıbelinden husûs-ı âti’z-zikre vekâleti bimâ hüve nehcü’s-sübût sâbit olan Cafer b. Abdullah mahzarında, tâife-i mezkûre ağası bâ‘is-i tahrîr fahrü’l-emsâl Mehmed Ağa b. Kurd’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müdde‘î-i mezbûrun müteveffâ-yı merkūmun zimmetinde rûzî akçesi cihetinden râyicü’l-vakt yedi bin akçe hakkı vardır. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın ba‘de’t-tahlîfi’ş-şer‘î mûcebince hükm edildi. Fi’t-târihi’l-mezbûr. Şuhûd: Mâ sebeka