İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 444 Hüküm no: 545 Orijinal metin no: [229-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Boşalan vakıf menzilinin hakim kararıyla Ömer Efendi’ye tahsis olunması Süknâsı ihlâsa meşrûta menzili tasarrufa izin Dârü’l-hilâfeti’l-aliyye-i Kostantıniyetü’l-mahmiyede Yedikule kurbünde Çerâğī Hasan mahâllesinde vâki‘ Hacı Mustafa menzili ve bir tarafdan es-Seyyid Mustafa menzili ve bir tarafdan Hafize Hatun menzili ve bir tarafdan tarîk-i âm ile mahdûd ma‘lûmü’l-müştemilât süknâsı ihlâsa meşrûta …? bir bâb menzile tevcîh-i hâkimü’ş-şer‘le mutasarrıf olan Hasan fevt olmağla bâlâ-yı kitâbı tevkī‘-i refî‘î ile tezyîn eden hâkimü’l-ecnâb tûbâ lehû [230] ve hüsnü-meâb efendi hazretleri menzil-i mezbûru her vechile müstahak olan bâ‘isü’l-kitâb Hâfız es-Seyyid Ömer Efendi b. el-Hâc İbrahim’e tevcîh buyurup şart-ı vâkıf üzere tasarrufa izin vermeleriyle işbu vesîka-i enîka ketb ü imlâ ve yedine i‘tâ olundu. Fî yevmi’s-sâlis ve’l-ışrîn min-Recebi’l-ferd li-sene tis‘a ve seb‘în ve mi’e ve elf. Şuhûdü’l-hâl: Molla İsmail b. Ali, Molla Mehmed b. Ahmed, Ali Çelebi b. Abdullah, Abdülhalim Efendi, Merhabâzâde Mehmed Efendi ve gayruhum.