İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 445 Hüküm no: 548 Orijinal metin no: [230-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Küreğe konulmuş olan Yahudi Avram, Manuga ve Hayim’in serbest bırakılmaları Yahûdîler kürekden ıtlâk, Ma‘rûz, Balat’da manav tâifesinden arzuhâl eden Avram ve Manuga ve Hayim Yahûdîlerin ber-mûceb-i fermân-ı âlî keyfiyetleri ma‘lûmu olanlardan Balat’da Helvacı Hüseyin ve Berber Mehmed ve Rençber diğer Mehmed ile cemâ‘at kethüdâlarından İlya ve Davit ve Yuda ve Menahaym ve Arslan ve Bihor nâm Yahûdîler derkenâr olunduğu üzere işbu yetmiş dokuz Saferi’nin yirmi altıncı gününden beri kürekde te’dîb olunup ve fîmâ-ba‘d bu misillü bî-hengâm mahâll-i töhmetde bulunmamak üzere nefslerine ve hîn-i mutâlebede ihzârına tekeffül ve merkūma dahi kıbel-i şer‘den muhzır kulları vesâtetiyle cemâ‘at-başıları kefil ve kefâletleri tescîl olunmağın merkūmûnun ıtlâklarını niyâz eyledikleri iltimâslarıyla huzûr-ı âlîlerine i‘lâm olundu. Fî-gurreti Ş sene [11]79.