İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 468 Hüküm no: 584 Orijinal metin no: [243-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çeraği Hasan mahallesinde çörekçi olan Ömer’in fırından çıkarılması Kocamustafapaşa kurbünde fırından ihrâca ta‘ahhüd Ma‘rûz, Arzuhâl eden mahmiye-i İstanbul’da Kocamustafapaşa câmi‘i kurbünde Çerâğ Hasan mahâllesi ahâlîlerinden mahâlle-i mezbûrede çörekçi olup meclis-i şer‘-i şerîfe ihzâr etdirdikleri arzuhâlde mezkûr es-Seyyid Ömer’den kendi hâlinde olmayıp fırınında icrâ-yı fısk edip hattâ işbu yedimizde olan i‘lâm mantûkunca mezbûrun sû-i hâlini meclis-i şer‘-i şerîfe inhâ etmiş iken mezbûr Ömer mütenebbih olmayıp ef‘âlinde muzır olmağla emniyetimiz yokdur deyü takrîrlerine mutâbık sicilden muhrec bir kıt‘a i‘lâm sûreti ibrâz ve teşekkî ve mezbûrun mahâll-i merkūmdan ihrâcını istid‘â eylediklerinde mezbûr es-Seyyid Ömer dahi rızâsıyla târîh-i i‘lâmdan sekiz güne dek fırın-ı merkūmdan çıkıp ahâlî-i merkūmeyi te’mîne ta‘ahhüd eylediğini mübâşiri iltimâsıyla huzûr-ı âlîlerine i‘lâm olundu. Fî 27 min-Şa‘bân sene [1]179