İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 469 Hüküm no: 585 Orijinal metin no: [243-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İzinsiz yoğurtçu dükkânı açan Bahçıvan Angelye ve Simitçi Dimo’nun dükkânlarını kapatarak eski işlerini yapmaları Yenibahçe kurbünde yoğurthâne ihdâs edip ba‘dehû ferâgat Ma‘rûz, Arzuhâl eden mahmiye-i İstanbul’da Yoğurtçu esnâfı meclis-i şer‘-i şerîfe ihzâr etdirdikleri arzuhâlde mezkûr Bahçıvan Angelye ve Simitçi Dimo muvâcehelerinde bizim kârhâne ustalarımızın aded ve isimleri semtleri tasrîhiyle ma‘dûd olup ve işbu yedimizde olan fermân-ı âlîşân şurûtu mûcebince ziyâde kârhâne ihdâsı memnû‘ iken zimmiyân-ı mezbûrân kendi [244] hirfetlerini bırakıp merkūm Angeli’ye Yenibahçe’de ve merkūm Dimo, Ağaçkakan nâm mahâlde birer kârhâne ihdâs ve bizim iştirâ ve ibâdullaha bey‘ edeceğimiz südü mahâllerinden ziyâde baha ile kendilerine tahsîs etmeleriyle fermân-ı âlîşân mûcebince men‘ olunmaları matlûbumdur deyü teşekkî onlar dahi hilâf-ı fermân-ı âlîşân zikr olunan mahâllerde ziyâde kârhâne ihdâslarını ikrâr ve fî-mâ-ba‘d kârhâne ihdâsından fâriğ olup kendi kâr-ı sâbıklarında olmak üzere ta‘ahhüd eyledikleri mübâşiri iltimâsıyla huzûr-ı âlîlerine i‘lâm olundu. Fî 28 min-Şa‘bân sene 1179.