İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 484 Hüküm no: 608 Orijinal metin no: [253-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Galata Kapanı’nda bulunan sur sahiplerine geçen seneye kıyasla fazla çerviş yağı verilmesi Sene-i sâbık üzere kapan tüccârına verilen çerviş Ma‘rûz, Sâdır olan fermân-ı âlîlerine imtisâlen işbu arzuhâle nazar olundukda geçen Ramazan-ı şerîfin üçüncü günü Yusuf Efendi dâ‘îleri zamânında Galata Kapanı tüccârı arzuhâlleriyle bâ-fermân-ı âlî Âsitâne’de mevcûd bulunan sûrun? sâhiblerine kapan-ı mezkûrdan yüz otuz üç yedek çerviş verildiği kapan defterlerinde mukayyed ve münderic olup hamden lillâhi’r-Rezzâk Galata Kapanı’nda mevcûd olan yağ sinîn-i sâbıkādan evferdir deyü şimdi ashâb-ı arzuhâl beynlerinde defterleriyle müte‘ayyen ve arzuhâlerinde münderic yüz elli iki sûra ki kā‘ide-i sâbıkāları üzere donyağı mukābili verilegelen çervişden mâ‘adâ bu def‘a verilecek birer yedek çerviş yağı karşılığı olmak üzere hîn-i iktizâda ikişer yedek don yağı vermek ta‘ahhüdünü eylediği sûretde müsâ‘ade-i aliyye erzânî buyrulur ise her sûrun başına birer yedek çerviş verilmek lâzım gelip sene-i sâbıkādan ezyed verilmek iktizâ edip lâkin bundan akdem İstanbul Kapan’da olan sûrun ashâbının aded-i ruûsuna ihsân olunduğu vech üzere Galata Kapanı’nda mevcûd sûrun sâhibleri dahi ta‘dâd olunmak iktizâ eylediği ber-mûceb-i fermân-ı âlîşân huzûr-ı âlîlerine i‘lâm olundu. Fî 11 N sene [1]179.