Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 507 Hüküm no: 529 Orijinal metin no: [76a-10] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sekban Süvari Pendârı Abdi Çelebi b. Yusuf’un emtia bedelinden Mehmed Efendi b. Mustafa’ya yüz seksen yedi guruş borcu olduğunu ikrar ettiği Mahmiye-i Kostantıniyye’de vâki‘ Yedikule kurbünde sâkin Sekbân Süvari Pendârı Abdi Çelebi b. Yusuf meclis-i şer‘-i şerîfde yine mahmiye-i mezbûre mahallâtından Toptaşı mahallesi sükkânından fahrü’l-müderrisîni’l-kirâm Mehmed Efendi b. Mustafa tarafından ikrâr-ı âti’l-beyânı tasdîka vekîl olup Ali Efendi b. Mehmed Çelebi ve Ahmed Ağa b. Şa‘ban şehâdetleri ile şer‘an vekâleti sâbite olan işbu râfi‘ü’l-kitâb fahrü’l-küttâb Ahmed Efendi b. Mehmed mahzarında tav‘an ikrâr ve i‘tirâf edip müvekkil-i müşârun-ileyh Mehmed Efendi’nin cihet-i karz-ı şer‘îden zimmetimde vâcibü’l-edâ üç yüz aded riyâlî kebîr guruş ve sâir beynimizde cins ve levni ma‘lûm emti‘a bahâsından yüz seksen yedi aded riyâlî guruş hakkı olup târih-i kitâbdan üç yüz altmış gün tamâmına dek eşyâ-i mezkûrenin semeni olan yüz seksen yedi kıt‘a riyâlî guruşu te’cîl eyledi dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb ve tahrîr olundu. Fi’l-yevmi’t-tâsi‘ min-Zilhicceti’ş-şerîfe li-sene seb‘a ve sittîn ve elf. Şühûdü’l-hâl: Fahrü’l-müderrisîni’l-kirâm Ahmed Efendi b. Derviş Bey, Mehmed Bey b. İbrahim el-cündi, Fahrü’l-kuzâd Mustafa Efendi b. İsmail, Fahrü’l-kuzât Ramazan Efendi b. İsmail, Yusuf Beşe b. Abdullah er-râcil, Süleyman b. Murad er-râcil, Receb Beşe b. Murad er-râcil, Yusuf b. Abdullah, Ali Çelebi b. Kurd, İbrahim Bey b. Ali el-cündi ve gayruhüm.