Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 513 Hüküm no: 534 Orijinal metin no: [77b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Muhanna v. Abdullah’ın kumaş bedelinden Mehmed Efendi b. Ali’ye iki ay içerisinde ödemek şartıyla yüz elli beş guruş borcu olduğunu ikrar ettiği Dâru’l-hilâfeti’l-aliyye mahmiye-i Kostantıniyye hısnı ebvâbından Edirnekapısı kurbünde el-Hâc Muhyiddin mahallesi sükkânından Muhanna v. Abdullah nâm Ermeni meclis-i şer‘-i hatîr-i lâzimü’t-tevkīrde bâ‘isü hâze’l-kitâb Mehmed Efendi b. Ali mahzarında tav‘an ikrâr ve i‘tirâf edip semeni târih-i kitâbdan altmış gün tamâmına değin müeccel ve mev‘ûd levn ve vasfı beynimizde ilm-i şer‘î ile ma‘lûm akmişe-i mütenevvi‘a bahâsından mezkûr Mehmed Efendi’ye yüz elli beş kıt‘a riyâlî guruş zimmetimde vâcibü’l-edâ ve lâzimü’l-kazâ deynimdir dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’s-sâdis aşer min-Zilhicceti’ş-şerîfe li-sene 1067. Şühûdü’l-hâl: Mustafa Efendi kâtib, Ahmed Efendi el-kâtib, Osman Beşe çukadâr, İsa Bey b. Ahmed ve gayruhüm mine’l-[hâzırîn.]