Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 529 Hüküm no: 555 Orijinal metin no: [81a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sâliha bt. Abdullah’ın kocası Ahmed Beşe zimmetinde mehrinden başka bir alacağı olmadığını ikrar ettiği Mahmiye-i İstanbul’da Edirnekapısı kurbünde Hadice Sultan mahallesi sâkinelerinden Sâliha Hâtun bt. Abdullah tarafından husûs-ı âti’z-zikri ikrâra vekîl olup mezbûrenin zâtını ma‘rifet-i şer‘iyye ile ârifân olan mahalle-i mezbûre müezzini Mustafa Çelebi b. Mehmed ve Ahmed b. Mehmed nâm kimesneler şehâdetleri ile şer‘an sâbite olan Ali Çelebi b. Süleyman nâm kimesne meclis-i şer‘-i hatîr-i lâzimü’t-tevkīrde mezbûre Sâliha’nın zevci işbu râfi‘ü’r-rakīm Ahmed Beşe b. Abdullah mahzarında bi’l-vekâle ikrâr ve i‘tirâf edip müvekkile-i mezbûre zevcim merkūm Ahmed Beşe zimmetinde mütekarrir olan beş bin akçe mehr-i müeccelimden gayrı zimmetinde gerek benim ve gerek oğlum Mustafa nâm sagīrin bir akçe ve bir habbe hakkımız yokdur dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâmin aşer min-Zilhicceti’ş-şerîfe li-sene seb‘a ve sittîn ve elf. Şühûdü’l-hâl: Seyyid Ali Efendi b. Süleyman el-imâm, Abdulbâki Çelebi b. Mehmed takyeci, Mehmed Çelebi el-haffâf, Hâcı İbrahim b. İbrahim, İsmail b. Mustafa, Nakkāş Mehmed Çelebi tâbi‘-i Kadrizâde Efendi, Hasan Beşe b. Abdullah ve gayruhüm.