Galata Mahkemesi 7 Numaralı Sicil (H. 985 - 986 / M. 1577 - 1578) cilt: 33, sayfa: 119 Hüküm no: 209 Orijinal metin no: [65-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Aynî Hatun bt. Abdullah’ın alacağını kısmen aldığı Aynî Hâtun bt. Abdullah meclis-i şer‘de Şem‘î bt. Sinan ve Ahmed b. Hasan b. Sinan nâm sagīrin vasîsi olan el-Hâc Hamza b. Abdullah nâm kimesne mahzarında ikrâr ve i‘tirâf edip zevcim mezkûr Sinan zimmetinde iki bin akçe mehr-i müeccelden ve altı bin akçe dahi mezkûr Sinan’dan iştirâ edip istihkāk-ı şer‘î elimden aldıkları ev bahâsından sekiz bin akçe olmuş idi hâlâ mezbûr Sinan fevt olup muhallefâtı deyne vefâ etmeyip kesr gelmeğin yedi bin yedi yüz altmış akçe alıp kabz ettim dedikde mukırra-i mezbûreyi mezkûrân Hamza Bey ve Şem‘î vicâhen tasdîk ettiklerinden sonra bi’t-taleb kayd olundu ve sûreti yed-i tâlibe def‘ olundu. Tahrîren fî evâhiri Saferi’l-muzaffer fî sene 986. Şuhûdü’l-hâl: Mustafa Çavuş b. Ahmed, Mehmed b. Mustafa, Musa b. Mustafa, İbrahim Halîfe el-Kâtib