Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 118 Hüküm no: 134 Orijinal metin no: [34a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Ahmed Reis b. Ali’nin, el-Hâc Nasuh b. Abdullah’a verdiği borcun eski vasî Abdi Hoca b. Mustafa tarafından tahsil edildiği Mahmiye-i Galata’da merhûm Ahmed Reis b. Ali nâm kimesnenin eytâmına sâbıkan vasî olan Abdi Hoca b. Mustafa meclis-i şer‘-i şerîfde işbu hâmilü’l-kitâb el-Hâc Nasuh b. Abdullah mahzarında bi’t-tav‘ ve’l-ihtiyâr i‘tirâf ve ikrâr edip merhûm Ahmed Reis zikr olunan yüz elli guruş merkūm el-Hâc Nasuh’a karz vermiş idi eyle olsa meblağ-ı mezbûru merkūm el-Hâc Nasuh’dan ben alıp kabz edip bî-kusûr ve lâ-küsûr bana teslîm etmişdir benim zimmetimdedir Ahmed Reis’in merkūm el-Hâc Nasuh’da bir akçe ve bir habbesi kalmadı benim zimmetimdedir dedikde bi’l-muvâcehe mukırr-ı mezbûr Abdi Hoca’nın vech-i meşrûh üzre olan ikrârı mukarrun lehü’l-merkūm el-Hâc Nasuh tasdîk ve tahkīk edip mâ hüve’l-vâki‘ bi’t-taleb ketb ve imlâ olundu yed-i tâlibe def‘ olundu. Tahrîren fi’t-târihi’l-mezbûr. Şuhûdü’l-hâl: Hacı Nurullah b. Hüseyin, İsmail b. Nurullah, Hacı Memi b. Abdullah, Hüsrev el-Muhzır, Fazlı el-Muhzır.