Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 134 Hüküm no: 162 Orijinal metin no: [40a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Mehmed Bey b. Ferhad’ın, Kâtib Receb b. Şükrullah’taki alacağının beytülmal emini ve kâtibi tarafından tahsil edildiği Mahmiye-i Galata’da beytülmâl-i hâs emîni olan fahrü’l-a‘yân Mehmed Bey b. Abdülmennân ve Hasan Bey b. Abdullah ve kâtibi Ali Çelebi b. Mustafa nâm kimesneler meclis-i şer‘de işbu hâmilü’l-kitâb Kâtib Receb b. Şükrullah nâm kimesne mahzarında ikrâr ve i‘tirâf eyleyip bundan akdem vilâyet-i Rumeli’nde Narda sâkinlerinden olup mahmiye-i Kostantıniyye’de fevt olan Mehmed Bey b. Ferhad eş-şehîr bi zâhir bâtın nâm müteveffânın yirmi akçesi merkūm Kâtib Receb zimmetinde zuhûr eyleyip meblağ-ı merkūm yirmi bin akçeyi mezbûr Kâtib Receb’den bi’t-tamâm ve’l-kemâl alıp kabûl ve kabz ve ahz eyledik dediklerinde merkūm Kâtib Receb mukırrûn-ı merkūmûnun vech-i meşrûh üzre olan ikrârlarını vicâhen tasdîk ve şifâhen tahkīk edip vâki‘ hâl gıbbe’t-taleb ve’s-suâl ketb olunup yed-i tâlibe vaz‘ olundu ki lede’l-hâce müzekkir-i mâ cerâ ola. Tahrîren fî evâili Zilka‘de sene 998. Şuhûdü’l-hâl: Mahmud Çelebi b. Muharrem, Mustafa b. Ali, Bayram b. Ramazan, el-Hâc Şaban.