Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 239 Hüküm no: 364 Orijinal metin no: [84b-5, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine bt. Süleyman’ın Fâtıma bt. Mehmed’den aldığı ödünç karşılığında evini rehin verdiği Hâric-i mahmiye-i Galata mahallâtından Cihangir mahallesinde sâkine olan Emine bt. Süleyman kıbelinden âti’z-zikri ikrâra vekâleti mahalle-i merkūme sükkânından Siyâmi b. Habib ve Ferruh b. Yusuf’un şehâdetleri ile sâbit olan yine mahalle-i mezbûrede sâkine Hatice bt. Ümmet meclis-i şer‘-i şerîfe hâzıra olup, müvekkile-i mezbûresinin hâfizatü hâze’l-kitâb Fâtıma bt. Mehmed’den râyicü’l-vakt beş bin akçe ahz ü kabz ettiğini ikrâr ve i‘tirâf etti. Sonra meblağ-ı mezbûr mukābilinde mahalle-i mezkûrede vâki‘ olan, tahtânî iki beyti, bahçeyi, su kuyusunu, helâyı ve avluyu hâvî bulunan, bir tarafdan Mehmed mülkü, diğer tarafdan fahrü’l-akrân kāid-i sultânî Mehmed Bey b. Hasan mülkü, öteki tarafdan vekîl-i mezbûr Hatice mülkü ve diğer tarafdan da tarîk-i âm ile mahdûd cemî‘ menzilini cümle hudûdu ve kâffe-i hukūku ile rehin verdi. Sonra mezbûre Hatice meblağ-ı mesfûra îcâb ve kabûlü hâvî kefâletle kefîl oldu. Vâki‘ ikrâr, tasdîk hakkı sâhibince tasdîk edildi. Cerâ fî evâhiri şehri Recebi’l-mürecceb sene 999. Şuhûdü’l-hâl: Mevlânâ Ahmed Hâce b. Abdullah, Ömer Çelebi b. Ali, Ahmed b. Ali, Mustafa b. Ali ve gayruhüm mine’l-hâzırîn.