Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 262 Hüküm no: 409 Orijinal metin no: [92b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Memi Reis b. Abdullah’ın, Françesko v. Palermo’daki alacağını tahsil ettiği Budur ki Beşiktaş sâkinlerinden olan Memi Reis b. Abdullah nâm kimesne meclis-i şer‘-i şerîf-i mutahharda kefere tâifesinden işbu hâmilü’l-kitâbi’l-müstetâb Françesko v. Palermo nâm zimmî mahzarında ikrâr ve i‘tirâf edip bundan akdem Françesko’ya beş bin fıddî râyicü’l-vakt akçe vermiş idim hâlâ zikr olunan beş bin akçeyi mezbûr zimmî yedinden bi’t-tamâm ve’l-kemâl kabz ve tesellüm edip zimmetinde bir akçe ve bir habbe hakkım bâkī kalmadı dedikde mukırr-ı mezbûrun ikrârın mukarrun-lehü’l-merkūm Françesko tasdîk eyledikden sonra mezbûrun berâat-i zimmetine hükm olunup bu hurûf ketb ve tahrîr olunup ber sebîl-i temessük mezbûr Françesko’nun yedine vaz‘ ve def‘ olundu ki vakt-i hâcetde ibrâ edip temessük edine. Cerâ zâlike ve hurrire fî evâili Şevvâli’l-mu‘azzam min şühûri li sene 999. Şuhûdü’l-hâl: Murad Bey b. Abdullah, Veli Bey b. Nasuh ve Memi Reis b. Abdullah ve Yusuf b. Abdullah ve Hüsam Reis b. Abdullah.