Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 263 Hüküm no: 411 Orijinal metin no: [93a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yusuf b. Melekpir Ahmed’in, ölen Mehmed Bey’den alacaklı olduğu Oldur ki Yusuf b. Melekpir Ahmed meclis-i şer‘a bundan akdem mir-livâ-i Biga olup vefât eden merhûm Mehmed Bey’in li eb ve üm karındaşı olup merhûm-ı mezbûrun sulbiyesi olan Belkıs nâm sagīresinin kıbel-i şer‘den vasîsi olan Safiye Hâtun tarafından vekâleti sâbite olan fahrü’l-akrân İbrahim Çavuş b. Mustafa nâm kimesneyi ihzâr ve mahzarında takrîr-i kelâm kılıp merhûm-ı mezbûra murâbaha tarîk[i] üzre on bir bin akçe verip hâlâ fevt olup zimmetinde kalmağın merkūm İbrahim Çavuş’dan taleb ederim dedikde gıbbe’s-suâl ve’l-inkâr mezkûrdan beyyine taleb olundukda udûl-i müslimînden Şeyh Ebûbekir b. el-Hâc [Yusuf] ve Ahmed b. Bâli hâzırân gelip mezbûrun da‘vâsına muvâfık edâ-i şehâdet-i şer‘iyye edip merhûm-ı mezbûr Mehmed Bey, mir-livâ-i Biga oldukda mezkûr Yusuf’dan mu‘âmeleye on bir bin akçe aldı ve hâlâ fevt olup zimmetinde kaldı. Vech-i meşrûh üzre şâhidleriz ve şehâdet dahi ederiz dediklerinde hayyiz-i kabûlde vâki‘ olup meblağ-ı merkūm ribhiyle hükm olunup bi’t-taleb vukū‘u üzre tahrîr olundu. Tahrîren fî evâhiri şehri Ramazân sene 999. Şuhûdü’l-hâl: Kemâ sebak.