Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 267 Hüküm no: 417 Orijinal metin no: [94b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed b. Mehmed’in Hasan b. Kara Ahmed’in vârisi olduğu Sebeb-i tahrîr-i hurûf oldur ki Udûlden Mehmed Hâce b. Hüseyin ve Ali b. Eşref cerh ve ta‘dîl mahallinde nakil ve tahvîl için meclis-i şer‘-i şerîfe hâzırân olup Anadolu vilâyetinden Bozöyük kazâsında sâkin olan hâmil-i hâze’l-kitâb Ahmed b. Mehmed’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müdde‘î-i mesfûr, hâl-i hayâtında sâkin olduğu mahmiye-i Galata tevâbi‘inden Beşiktaş kasabasında bundan akdem fevt olan ve muhallefâtı emîn-i Beytülmâl tarafından zabt edilen Hasan b. Kara Ahmed b. Bedr Arab’ın usûbe-i nesebiyye cihetiyle vârisidir. Zira müdde‘î-i mezbûr Ahmed b. Mehmed, Kara Ahmed’in karındaşının oğludur; Kara Ahmed de Bedr Arab’ın oğludur. Müteveffâ-yı mezbûr Hasan da merkūm Kara Ahmed’in oğludur. O da Bedr Arab’ın oğludur. Müteveffâ-yı mezbûr Hasan ve müdde‘î-i mezbûr Ahmed’in babası ana baba bir karındaşdırlar. Babaları merkūm Kara Ahmed’dir. O da Bedr Arab’ın oğludur. Bedr Arab ikisinin cedd-i a‘lâsıdır. Verâseti ona münhasırdır. Ondan başka vâris ve terekesine müstehık kimesne ma‘lûmumuz değildir. Şehâdetleri ba‘de ri‘âyeti şerâiti’l-kabûl ve ba‘de’t-ta‘dîl ve’t-tezkiyye inde’ş-şer‘ makbûl ve mû‘teber olmağın mûcebince hükm edildi. Hâkīkat-i hâl ve masdûkat-ı makāl gıbbe’t-taleb ve’s-suâl a‘lemü’l-ulemâ’i’l-mütebahhirîn yenbû‘ü’l-fazli ve’l-yakīn el-muhtas bi mezîdi inâyeti’l-meliki’l-mu‘în vârisü’l-ulûmi’l-enbiyâ ve’l-mürselîn mahmiye-i Galata müvellâsı cenâb-ı fazîlet me‘âbına vâsıl ve nüvvâbdan kitâb-ı mezbûr vâsıl olan hükkâm-ı zevi’l-ihtirâm kıbellerine inhâ olundu ki kabûl ile in‘âm ve medlûlü ile amel-i tâm edeler. Cerâ zâlike ve hurrire fî evâhiri şehri Şa‘bâni’l-mu‘azzam sene 999. Bozöyük kazâsı müvellâsı Ali b. el-Hâc Ömer tarafından yazıldı. [95a] Şuhûdü’l-hâl: Mehmed b. Mustafa ve diğer Mehmed b. Mustafa ve Hâce Musa b. Mehmed ve Ahmed b. Hızır ve el-Hâc Ahmed b. ( ) ve Ahmed b. el-Hâc Derviş ve Cafer b. Osman ve Musa b. Nasuh ve kâtib Hasan b. Abdullah mahmiye-i Galata mahallâtından.