Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 288 Hüküm no: 450 Orijinal metin no: [103a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Memi b. Abdullah’ın, Hüsam Reis b. Abdullah’a karz-ı hasenden borçlu olduğu Mahmiye-i Galata’ya tâbi‘ Sarı Lütfi mahallesi sâkinlerinden Hüsam Reis b. Abdullah’ın mu‘tak[ı] Memi b. Abdullah meclis-i şer‘-i şerîfe hâzır olup mu‘tak-ı mezbûr Hüsam Reis mahzarında ikrâr ve takrîr edip müşârün-ileyh efendiden bi tarîki’l-karz sekiz bin nakd-i râyic fi’l-vakt akçe alıp hâlâ karz vechile mezkûr efendime vâcibü’l-edâ ve lâzımü’l-kazâ sekiz bin nakd-i râyic fi’l-vakt akçe deynim vardır deyû ikrâr ettikde mukırr-ı mezkûrun vech-i meşrûh üzre ikrâr ve takrîrinde mukarrun lehü’l-mesfûr Hüsam Reis kabûl ve tasdîk ettikden sonra mâ hüve’l-vâki‘ ketb ve terkīm olundu. Tahrîren fî evâsıtı şehri Zilka‘deti’l-ûlâ sene tis‘a ve tis‘în ve tis‘a mi’e. Şuhûdü’l-hâl: Pîr Mehmed b. Mehmed el-İmâm, Hüseyin b. Ali, Hacı Reis b. Ali, Hüseyin b. Ali, Mahmud b. Ali, İsmail b. Abdullah, Ahmed Bey b. Abdullah, Hacı Ferruh b. Abdullah, Keyvan b. Abdullah, Ali b. Abdullah.