Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 158 Hüküm no: 169 Orijinal metin no: [23b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha Hatun’un Ümmühan Hatun’u vekîl ettiği Ali Çelebi b. el-Hâc Nasuh ve Mehmed Çelebi b. Nurullah nâm kimesneler meclis-i şer‘-i şerîfe hâzırân olup, husûs-ı âti’l-beyânı inkâr eden hasm-ı câhid mahzarında, hâmiletü hâze’l-kitâb Ümmühân Hâtun bt. Pîrî’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki mahmiye-i Galata tevâbi‘inden Kasımpaşa kasabası mahallâtından el-Hâc Hasan mahallesinde sâkine olan Sâliha Hâtun bt. es-Seyyid Ali nâm hâtun, müteveffâ zevci Mahmud Bey b. Ahmed zimmetindeki nikâhında ma‘kūdun-aleyh bulunan mehr-i müeccelinin ve zevc-i mezbûrundan kendisine intikāl eden mîrâs hissesinin taleb, kabz ve kendisine îsâline ve kabz ve îsâl için vakt-i hâcetde hükkâm-ı kirâm huzûrunda muhâsama ve mürâfa‘aya müdde‘iye-i mezbûreyi vekîl edip nefsine nâib kıldı. O da vekâlet-i mezbûreyi kabûl edip hizmet-i lâzımesini edâyı ta‘ahhüd etti. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince hükm edildi. Cerâ zâlike ve hurrire fi’t-târihi’l-mezbûr. Şuhûdü’l-hâl: el-Mezbûrûn