Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 158 Hüküm no: 170 Orijinal metin no: [23b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud Bey’in evinin borcuna karşılık Haydar Paşa Evkáfı’na satıldığı Kasımpaşa mahallâtından el-Hâc Hasan mahallesinden olup bundan akdem vefât eden Mahmud Bey b. Ahmed nâm sipâhinin Âişe ve Fâtıma nâm sagīrlerine kıbel-i şer‘den mansûb vasileri olan Ümmühân Hâtun bt. Pîrî ve müteveffâ-yı mezbûrun zevcesi ve vârisesi olan Sâliha Hâtun bt. es-Seyyid Ali cânibinden husûs-ı âti’z-zikre Ali Çelebi b. el-Hâc Nasuh ve Mehmed Çelebi b. Nurullah şehâdetleriyle şer‘an vekâleti sâbite olup vekîl-i şer‘îsi olan merkūme Ümmühân Hâtun mahfil-i şer‘-i şerîfde bi’l-fi‘l merhûm Haydar Paşa evkāfına mütevellî olan fahrü’l-akrân Sinan Bey b. Abdülmennân mahzarında ikrâr ve i‘tirâf edip vasîleri olduğum mezbûretân Âişe ve Fâtıma’ya ve vekîli olduğum mezbûre Sâliha’ya müteveffâ-yı mezbûr Mahmud Bey’den mahalle-i merkūmede vâki‘ hudûdunun bir cânibi Rıdvan Bey b. Abdullah mülküne ve bir cânibi tarîk-i hâssa ve bir cânibi Mehmed Çelebi el-Müezzin mülküne ve cânib-i âharı tarîk-i âma müntehî bir beyt-i süflî ve iki beyt-i ulvî ve bir sofa ve bir su kuyusu ve kenîfi ve kileri ve cüneyneyi müştemil olup irs-i şer‘î ile intikāl eden menzili müteveffâ-yı merkūmun zimmetinde sâbit olan vakf-ı mezkûra on üç bin akçe deyni için bey‘-i men yezîd olunup sûk-ı sultânîde beyne’t-tâlibîn ve’r-râgıbîn mirâren ve kirâren nidâ olunup rağbet-i nâs münkatı‘a oldukdan sonra otuz bin akçede mütevellî-i merkūm Sinan Bey üzerinde karâr edip bir akçe ziyâde ile âhar tâlibi olmamağın vesâyetim ve vekâletim hasebiyle menzil-i merkūmu vakf-ı mezkûr için meblağ-ı merkūm otuz bin akçeye bey‘-i bât ile bey‘ edip meblağ-ı mez[bûr] ( )