Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 159 Hüküm no: 172 Orijinal metin no: [24a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Halil b. Ahmed’in Osman b. Mehmed’de mal bedelinden alacağı olduğu Budur ki Halil b. Ahmed mahfil-i kazâda müteveffâ Osman nâm râcilin sagīr ve sagīresine kıbel-i şer‘den vasî olan Hasan Halîfe ve müteveffâ-yı merkūmun zevcesi Sâliha tarafından vekîl olan Mustafa? mahzarında takrîr-i kelâm edip müteveffâ-yı merkūmun zimmetinde papuç ve başmak bahâsından bin beş yüz doksan üç akçe hakkım vardır taleb ederim suâl olunsun dedikde gıbbe’s-suâl ve’l-inkâr Halil’in takrîrine muvâfık beyyine taleb olundukda udûl-i müslimînden Yusuf Çelebi ve el-Hâc Mehmed b. Abdullah nâm kimesneler li ecli’ş-şehâde hâzırân olup fi’l-vâki‘ müteveffânın zimmetinde papuç ve başmak bahâsından bin beş yüz doksan üç akçe hakkı vardır biz şâhidiz dediklerinde meblağ-ı merkūmu mezbûr Osman’dan ahz ü kabz ve hibe etmeyip zimmetini ibrâ etmediğine yemîn teklîf olundukda mezbûr Halil yemîn billâh edip meblağ-ı merkūmun edâsına hükm birle mâ vaka‘a gıbbe’t-taleb kayd şüd. Cerâ zâlike [fi] Muharremi’l-harâm sene sitte ve elf. Şuhûd: Es-Sâbikūn