Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 171 Hüküm no: 185 Orijinal metin no: [26b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha bt. Mustafa adlı kadının, kocası Mehmed Çelebi’yi vekîl ettiği Hâric-i mahmiye-i Galata mahallâtından Tomtom Memi mahallesinde sâkine olup Mustafa nâm babası bundan akdem Karaköy’de vefât etmiş bulunan Sâliha nâm hâtun meclis-i şer‘-i şerîf ve mahfil-i dîn-i münîfe -el-masûn ani’t-tağyîr ve’t-tahrîf- hâzıra olup müteveffâ-yı mezbûr babasından ve babasının vefâtından sonra yine mahalle-i mezbûrede fevt olan (…) Çelebi ve Mehmed Çelebi nâm karındaşlarından irs-i şer‘le kendisine intikāl eden hisse-i şer‘iyyesinin taleb, kabz ve kendisine îsâline ve kabz ve îsâl maksadıyla îcâb-ı hâlde hükkâm-ı kirâm huzûrunda mürâfa‘aya zevci hâmil-i hâze’l-kitâb fahrü’l-küttâb Mehmed Çelebi b. Mustafa’yı vekîl edip nefsine nâib kıldı. Mezbûr Mehmed Çelebi de vekâlet-i mezbûreyi kabûl edip hizmet-i lâzımesini edâyı müte‘ahhid oldu. Cerâ zâlike ve hurrire fî evâhiri Muharremi’l-harâm sene sitte ve elf. Şuhûd: Mustafa b. Abdülaziz, Seyyid Mahmud b. Mustafa, Mehmed Çelebi b. Mustafa, Üstâd Ali b. Abdullah Muhzır ve gayruhüm