Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 229 Hüküm no: 270 Orijinal metin no: [41b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim b. Behram’ın Mahmud’da mudârebeden alacağı olduğu Ahmed b. Tur Hasan ve Yunus b. Hasan nâm kimesneler meclis-i şer‘a hâzırân olup hâric-i Galata mahallâtından Mustafa Ağa mahallesinde bundan akdem fevt olan Mahmud nâm kimesnenin Emine nâm sagīre kızına vasî olan el-Hâc Ahmed b. Şaban mahzarında, İbrahim b. Behram’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müdde‘î-i merkūmun, müteveffâ-yı mezbûrun zimmetinde mudârebe-i şer‘iyye cihetinden râyicü’l-vakt bin akçe hakkı vardır. Müdde‘î-i mezbûra meblağ-ı merkūmu müteveffâ-yı mezkûrdan bi vechin mine’l-vücûh almadığına dâir yemîn verilmesinden sonra şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince hükm edildi. Fî evâsıtı Receb sene sitte ve elf. Şuhûd: Mustafa b. Turan, Hüsrev b. Abdullah, Mehmed b. Yusuf, Mustafa Muhzır-ı askerî ve gayruhüm