Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 230 Hüküm no: 271 Orijinal metin no: [41b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Ağa b. Kurd’un Mustafa b. Halil’in muhallefâtı dahilindeki evini satın aldığı Kasımpaşa kasabası mahallâtından Kulaksız mahallesinde bundan akdem fevt olan merhûm Mustafa b. Halil’in muhallefâtına vâzı‘-ı yed olan, Havâss-ı mahrûse-i Kostantıniyye ve Galata’da vâki‘ beytülmâl emîni fahrü’l-akrân Mehmed Çavuş b. Abdülmennân ve müteveffâ-yı mezbûrun zevcesi Nisâ Hâtun bt. Dede kıbelinden bey‘-i âti’z-zikre vekâleti bimâ hüve nehcü’s-sübût sâbit olan fahrü’l-emâsil ve’l-eşbâh Cafer b. Abdullah meclis-i şer‘-i şerîfe hâzırân olup şöyle ikrâr ve takrîr-i merâm ettiler ki müteveffâ-yı mezbûrun muhallefâtına dâhil bulunan, kasaba-i mezbûre mahallâtından el-Hâc Hasan mahallesinde kâin, üç beyt-i ulvîyi, iki beyt-i süflîyi, duvarı, dükkânı, su kuyusunu, helâyı, eşcâr-ı müsmire ve üzüm bağını hâvî bahçeyi müştemil olan, bir tarafdan Receb b. Abdullah mülkü, diğer tarafdan el-Hâc Memi mülkü, öteki tarafdan Abdullah b. Memi mülkü ve diğer tarafdan da tarîk ile mahdûd cemî‘ menzilini cümle tevâbi‘ ve levâhıkı ve âmme-i menâfi‘ ve merâfıkı ile râyicü’l-vakt otuz dokuz bin dört yüz yetmiş akçe semen-i mu‘ayyen-i makbûz ile hâmil-i hâze’l-kitâb fahrü’l-a‘yân Mehmed Ağa b. Kurd’a îcâb kabûl ve teslîm tesellümü hâvî bey‘-i bâtt-ı sahîh ile bey‘ ettiler. Mezbûr Mehmed Ağa da kendi malıyla ve kendisi için menzil-i mezbûru ikisinden iştirâ etti. İşbu mübâya‘a, menzil-i merkūmun mirâren ve kirâren mecâlis-i tâlibîn ve mehâfil-i râtıbîne arz edilip rağabât-ı nâsın kesilmesinden ve meblağ-ı merkūmla müşterî-i mezkûr üzerinde karâr kılmasından sonra vukū‘ buldu. Vâki‘ ikrâr müşterî-i mezbûr tarafından vicâhen ve şifâhen tasdîk edildi. Cerâ zâlike ve hurrire fi’t-târihi’l-mezbûr. Şuhûd: Abdülaziz b. Mehmed el-İmâm, Ahmed b. Mustafa, el-Hâc Mehmed b. Süleyman, Hasan [b.] Kasım, Mustafa [b.] Nuri, Mustafa [b.] Ali el-Muhzır, Mehmed b. Yusuf, kâtibü’l-hurûf Hasan, Hüsrev b. Abdullah ve gayruhüm mine’l-huzzâr