İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 417 Hüküm no: 507 Orijinal metin no: [214-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Musalli Fırını Ustası Mehmed’in Angeli’de olan alacağının tahsili Ma‘rûz, Mahmiye-i İslambol’da Musallî Fırını ustası Mehmed b. Osman meclis-i şer‘-i hatîrde tablakârı Angeli v. Petko muvâcehesinde benim cihet-i havâleden mukaddemâ tablakârım olan Selim nâm kimesne zimmetinde üç yüz guruş alacak hakkım olup mezbûr Selim meblağ-ı mezkûru işbu merkūm Angeli üzerine beni havâle, ol dahi havâleyi kabûl ve karz olmak üzere işbu yedimde olan yetmiş yedi târîhiyle müverrah temessükü verip ve merkūm Angeli muhâlün-bih olan meblağ-ı mezkûrun seksen beş guruşunu bana edâ ve iki yüz on beş guruşu hâlâ zimmetinde olmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı mezkûr iki yüz on beş guruşun edâsıyla merkūm Angeli ilzâm olunduğu bi’l-iltimâs huzûr-ı âlîlerine i‘lâm olundu. Fî 25 min-Şevvâl sene 1179.